MTOTO WA MIAKA 16 ABAKWA MARA 8 NA MCHUNGAJI

Na Alex Mwenda, Songea
 
MKUU WA MKOA RUVUMA SIKIA KILIO NA OMBI HILI LA MAGHRET

ABAKWA NA MCHUNGAJI, APEWA VVU NA ATELEKEZWA NA MTOTO.

Ni msichana wa miaka 16 kwa mujibu wa maelezo yake! Anaeleza kuwa alibakwa zaidi ya mara nane na Mchungaji wa Kanisa la EAGT Mkuzo Maliasili Mjini Songea.

Msichana Magret Mgena ameeleza kuwa yeye ni mwenyeji wa Mkoa wa Mara na alifika Mkoani Ruvuma baada ya kuchukuliwa kufanya shughuli za ndani.

Mchungaji huyo alimchukua Magret kutoka kwa aliokuwa akiwatumikia kwa kuwatisha kwamba angeliwafunga kwani wamemtorosha binti huyo kutoka kwao Musoma! Na yeye kwakua ni mchungaji alipenda aishi nae amlee! Kumbe alikua na dhamira yake moyoni.

Magret anaeleza La hasha Mchungaji huyo Alikua akimfuata chumbani nyakati za usiku na hata pale mkewe alipokuwa akisafiri kwenda masomo na kumlazimisha tendo la ndoa.

Miezi kadhaa kupita Magret alijipata na Ujauzito! Mchungaji alihisi ile hali na alimueleza asiseme kuwa yeye ndiye aliyempatia ujauzito huo! Na alimueleza aseme ile mimba ni ya kijana waliyekuwa nae Mtaani! Binti alifanya hivyo kwakua alikua na hofu tele.

Magret anaeleza kuwa mchungaji alisimama mbele ya kanisa na hata mbele ya wazee wa kanisa na kusema binti huyu anapaswa kutueleza ninani aliyempatia ujauzito! Kwani alihofu kwakua watu walijua yeye mchungaji ndiye anaeishi na kwake na huenda watu wangelimuhisi yeye.

Mchungaji alimtelekeza Mtoto Magret! Magreti alifikishwa Dawati la Jinsi na Watoto Mkoani Ruvuma Mchungaji aliahidi kupima DNA endapo mtoto angezaliwa salama.

Mtoto Magreth alijifungua salama, na wakati wa Clini Mtoto Magreth aligundulika kuwa na maambukizi ya virus vya ukimwi, anasema hakuwahi kutembea na Mvulana yeyote maishani mwake kwani alizaliwa mwaka 2001.

Hospitali amepatiwa vidonge vya ARV anatumia, kazi hana! Pesa ya chakula hana! Mahala pa kulala hana! Mtoto aliyejifungua ameamua kumtelekeza Katika hospitali ya Mkoa Ruvuma kwakukosa kipato cha kujihudumia.

Mtoto Magreth sasa anahangaika mitaani OMBI lake kuu Anaomba akutanishwe na Mkuu wa Mkoa Ruvuma ili Amueleza kisa hiki kwa huenda ndie akawa mkombozi wake! Na zaidi anatamani kuona Sheria inachukua Mkondo wake.

Magreth amekosa matumaini na watu waliokuwa wakimsaidia kwani hakuona hatua stahiki zikichuliwa dhidi ya Mchungaji huyo! Na yeye amekwisha athirika na hana wakumsimami mbele za haki.